Gubernur Bali, Wayan Koster kesarengin Bupati Bangli, Sang Nyoman Sedana Artha lan Wakil Bupati Bangli Wayan Diar, miwah Ketua DPRD Bangli I Ketut Suastika ngaturang bhakti ring Karya Mamungkah, Ngenteg Linggih lan Mapadudusan Agung Pura Penataran Desa Adat Jehem, Desa Adat Jehem, Tembuku, Bangli, ring rahina Tilem Jiyestha, Sabtu (30/4) 2022.
Karya Mamungkah, Ngenteg Linggih lan Mapadudusan Agung Pura Penataran Desa Adat Jehem kapuput olih Ida Pedanda Gede Temuku ring Griya Jaksa Manuaba, Ida Pedanda Buda Gde Wana Yoga ring Griya Wana Sari Sidemen Karangasem, lan Ida Rsi Bujangga Waisnawa ring Griya Giri Kusuma Angkling.
Perbekel Desa Jehem, Nengah Tesan Darmayasa ngaturang suksma dahet ring Murdaning Jagat Bali / Gubernur Bali, Wayan Koster sampun sida ngewantu karya puniki, lan ngaturang mendem pedagingan ring soang – soang pelinggih, miwah ngaturang sembah bhakti. “Titiang kesarengin prajuru lan krama Desa Adat Jehem ngaturang suksma ring Murdaning Jagat Bali, Bapak Wayan Koster,” puput.(BTN/ery)